إهدوم الليل – علي حمودي الخفاجي – الخالص
جفك غيرة العباس
لو شبت ثلج.. وتطفي هم الراس
او لم مدت جنحها، تنرسم احلام
تلكاها اغاني ابوجه هاي الناس
**
يا.. انته جبل مكحول
ما ياكل ابجتفه حلك الفاس
يل.. صوتك نجم شكك اهدوم الليل
اعيون اليتامه.. دنك الها اوباس
موكلمن يهد يكدر يهد الليل
لا كلمن مشه فوك المنيه وداس
بس انته لكيتك تمشي فوك الموت
وتجيب الفرح من شحت الاعراس
يا.. مايك بشاره الريجنه العطشان
ويودي النصر لو ضاكت الانفاس
**
الموصل- باعتك- من فتحت البيبان
للطبعة ردي.. والعقل منه خاس
والعافوك..؟
والعافوك لبسوها خيانه او ثومبهم عريان
شفناهم نثايه اوراسهم موراس
ما سجدوا الكاع الظمته لحسين
لابركان دمهم ثار بالاحساس
لا عدهم وطن.. لا .. ساس
باعوها الضماير لاذو ابشيطان
قشمرهم ابسعره او علنوا افلاس
والحب الوطن ايحضنه من ايموت
مو بعده عدل ويعيش بين انجاس
مو بعده عدل.. ويعيش بين انجاس
