سرب العصافير – جبار جعفر الربيعي – بغداد
يل محجل ابهونك أمشي بهداي
اكطعت حبل الوصل يمته تشدهَ
ادولي دوة بس عندك أدواي
سهرت الليل حلفهه المخده
***
تراني ماشفت مثلك ولاشوف
انجمع بيك الحسن كلك ملاحه
تاخذلك تحية او توكف أصفوف
عشاكك اهواي أنطيهه راحه
أنه بشوكك تراني متت ملهوف
إذا متحبني حاجيني أبصراحهَ
ألك عطشانه روحي كطرة من ماي
تكلي اصبر او صبري زاد حدهَ
أنه ابضعنك مشيت اوياك حداي
رحت من ايدي جن ماي او تبده
***
أجيت أباب دارك عندك أدخيل
أجيت اشكيك حالي من غرامك
أكل الليل طول ولك ياليل
أريدن شوفتك مت ابهيامك
أنتظرتك بلمحطة من اجه ألريل
خفت اهلك تكلمني أبكلامك
لونك من ذهب أنه الك شراي
أبساع اتبيعني اوتنسه المودة
يا اول حبيب بأول أصباي
كلبي من اخذته ما تردة
يل مجبل ابهونك امشي بهداي
اكطعت حبل الوصل يمته تشده
ادورلي دوه بس عندك ادواي
سهرت الليل حلفته المخدة
حسبالي اصيل او طيب الساس
حبك بل كلب ما جان رغبه
أنه بيه طبع منا طخ ابد راس
ولا ذلهه النفس للي أحبه
أخنكهه العواطف من حجي الناس
واكل الروحي اصبري اتكول صعبة
جنت مجنون بيك فاكد الراي
طلع حبك حلم مر او تعده
ابعينك اتعاين على جره اوياي
جرح ينزف اكبالك ما تضمده
با مجبل ابهونك امشي بهداي
اكطعت حبل الوصل يمته تشده
يا اول حبيب باول أصباي
كلبي من اخذته ما ترده.
