الحلم

الحلم
شفتج بالحلم طفلة
وتلعبين بثناية الدار
لبستي هدومج الحلوه
وشرايط بيض فوك الراس
تتعدة عليج الناس
ما جنج تعرفين الوكت دوار
سمعتي الما تشوفه العين
واتسميه كتبنة خيال
ذاك شكال
باجر لو كبرتي اتمر عليج اشكال
عيد ايفك شريط الراس
وايكدر عليج شيال
وعيد يمر بلاية هلال
عيد من الطبك حسبوه
وعيد انحسب من شوال
ظمي جفوفج الحلوة
الصواني الياس
وظمي هدومج السود
الحزنة وكتلة العباس
للدفنة
وتشابيه الخيم
من تحترك بالنار
هم كبلج طلعنة زغار
هم كبلج بجينة وهزو الكاروك
كطعنة بزغرنة حبال
حسبالج يظل الليل جاهل
يلعب وية اطفال
وحسبالج يظل النهر صافي
ويعبر السفان
شفنة بهل شريعة الوان
مركب شايل الفرحه وعلي سجان
ومركب شايل دموع اليتامه
امبللة القمصان
ما نلعب بعد بالبيت
وكبال الزلم نسوان
ولا نمشي بسفر بالليل
ودروب السفر وديان
متعود وكتنة يعثر الخيال
باجر لو كبرتي تمر عليج اشكال
احمد حنين عوده – البصرة

AZPPPL