اللي ما يعرف يرقص

اللي ما يعرف يرقص
اصدرت قيادة عمليات بغداد ومديرية المرور العامة قرارا بتطبيق نظام الزوجي والفردي على مركبات الفحص المؤقت (المانفيست) الارقام السود وهنا تبادر الى ذهني حكم الاقلية البيضاء في جنوب افريقيا الدخلاء عليها على الاكثرية السوداء ولم يسمحوا لهم في العمل الا في اعمال محددة وليس لهم حق الانتخاب والملكية وعدم المساواة مع البيض في كل الامور بما فيها عدم الاختلاط في العمل والتعليم والسكن وغيرها ولولا النضال الذي قاده مانديلا ورفاقه لما حصل السكان الاصليين على حقوقهم …… فلماذا ياقيادة عمليات بغداد هذا التمييز العنصري ؟
والدستور العراقي العتيد ساوى بين العراقيين ؟؟
ولنفترض نحن في عصر ما قبل السيارات عندما كانت الحمير الوسيلة في تنقلات البشر هل سيطبق القرار على اصحاب الحمير السود دون الحمير البيض ؟؟؟؟؟؟
هذه ياساده يا كرام سالفة الاعمى والاطرش .. الاعمى يقول للاطرش ما تسمعني والاطرش يقول للاعمى متشوفني ؟؟
ياناس كافي ضحك على الذقون الشغله مو شغلت رتب بالجملة ولا دمج ولاحبج لبج … الشغله مو كل واحد يوقف على التنور يعرف يخبز انطي الخبز لخبازته .. هاي مصلحة كلمن على كاره بصير .. اعطوا الشغله الى اهلها وشوفوا شلون يحلوها ، وبعدين انتم تعرفون البعث الابيض (سوريا)
كان ينسق مع الجارة المسلمة على حصر الامريكان في مستنقع العراق حتى ليرحوا عدهم والان بشار ملتهي في تأديب السوريين ويعلمهم الاخلاق ويساعده حزب الله وبقت المسألة برأس الجارة المسلمة هي من تدير هذه العمليات سواء المليشيا الفلانية او الفلانية او القاعدة او الواقفة وميهم اللي يموت من هاي الطائفة او تلك هم كلهم عراقيين المهم الخوف والترويع واللي عنده يشلع واللي ما عنده يبقى يستوى على كيفه .. حتى يبقى هذا البلد ضعيف متخلف ما يفكر يشيل راسه …. يا ناس كافي تسلط واضطهاد وظلم هاي مصالح ناس وارزاق عوائل .. افتهمنا انتم دتلغفون بيديكم وبأيد حبايبكم هاي الناس منين تجيب ؟؟؟؟ ايجارات ومصاريف الطعام والملبس والعلاج وغيرها ؟؟؟؟
وانت يا سيد وزير الكيكة كل هاي المدة متفطنت تحجي هسه اجاك الحجي .. اتذكرت بالبيئة ؟
يا استاذ انته شلك بهل الشغلة اسكت وضل ساكت الفط حالك حال الباقين المهم البيئة في المنطقة الخضراء وبوزارتك وبيتك نظيفة شعليك من الناس ؟
بروح ابوك العزيز على قلبك هو بقى شيء اسمه تلوث ما دخل العراق اشو الحدود مفتوحه داير حبل تربيع منين متريد اغذية وادوية فاسدة ومخدرات واشعاعات نووية وفسفورية وانت اعرف بيها مني ومن غيري باعتبارك وزير وتفتهم شغلتك … بس اقول لك شيء واحد هي سيارات المانفيست تلوث (الكيكة) الايام المقبلة اصحاب هذه السيارات يبدلون الاسود الاكشر الى ابيض منور شتكول بعدين على هذه (الفيكه) مو وصلت السكين للعظم وملينه ياولد ( ) اعوذ بالله يالساني
خالد العاني – القاهرة

AZPPPL