مزاد علني .. والدين للبيع (2-2)

 مزاد علني .. والدين للبيع     (2-2)

 يحدثني اخر (ر.ع) والحسرة تأكل قلبه عن امه الراحلة فيقول ” انه كان وحيد امه و تزوج من امرأة كأنها ثعبان ماكر كان تدب بين امه و زوجته خلافات بشكل يومي و حينما يعود الى المنزل يجد زوجته تبكي و تنوح ان امه قد إهانتها و انها تتعرض للأذى فالأم تشتمها و تضربها و هي لا ترد عليها لانها تعتبره بمقام والدتها و كان يلقي اللوم على والدته فهو لا يرى من زوجته أمامه غير طيب المعشر و حسن الكلام وكان دائماً ما يحصل خلاف بينه وبين والدته تنتهي بدمعة امه الحائرة على خدها و هو يرد عليها (بدينه بدموع التماسيح)…. لم تعد الام تتحمل اهانة ابنها وتكذبيه لها و لم تستطع تحمل زوجة ابنها و معاملتها القاسية . اخذت نفسها و غادرت البيت تاركة فيه اجمل سنين شبابها افنتها لتربية ولدها ليكون ذخراً لها حينما يغزو الشيب راْسها ، لكنها أضحت تجوب الطرقات وحيدة يلتهم البرد جسدها و يقطع مفاصلها التي لا تقوى على الحركة فهي لا تعرف احداً سوى ابنها الوحيد و ليس له معيل غيره . يتوقف (ر.ع) عن الحديث بعد ما قطعت دموع الحسرة و الندم كلامه ليحاول ان يستجمع قوته ليستأنف الحديث قائلاً في احد المرات عدت مبكراً من عملي وسمعت زوجتي تحدث والدتها تقول لها (الحمدلله صارلي اربعة ايام من تخلصت منها بعد ما لعبت لعبتي وزوجي صدكني و كام يتعارك وياها لحد ما عافتنه وراحت و هو هم ما سأل عنها المهم انا مرتاحة منها)…. وقفت مذهولاً صدمني الكلام اخذت نفسي و انا ادور شارع شارع وجدت اناساً متجمعة وكان قلبي يقول:

هاي الي بعتها و بعت آخرتك علمود ترضي دنيتك) .. سألت الناس ليش متجمعين يقولون (هاي الحجية ماتت قبل شويه) … اشوف ملامحها اه اه يا امي بس رجعي لي يا امي يا امي بس سامحني و ظل يصيح بنص الشارع

اه يا امي يالي

شيلتچ لازم كون تتــــــــــــفصل اعلوگ

يلماوفيت وياچ طلـــــــگه من الطلوگ

ما يفيد الصوت بعد ما يفوت الفوت والي انباع ما يرجع وانت بعدت الغالي بارخص ثمن واشتريت الرخيص بأغلى ثمن والحسرة والندم ما راح تعوض ظفر من اظافر امك . وياريت كل انسان يفكر ان الدنيا دوارة كما تدين تدان احذروا العواقب أفعالكم و بروا بوالديكم حتى اطفالكم تبر بكم ..

ويقول شاعرنا

دير بالك على امك يالبعدها وياك

ومو فوك الظهر على الراس خليها

دنيا بلايا ام ما تسوه بيهه نعيش

شلي بهيج دنيا وامي ما بيها

يم كلب ينضح محنة … ويم سوالف دافية

ويم دمع يجري على كلشي … الجنة حدرج خافية

الدنيا لو ما نور وجهج … عندي ظلمة وطافية

يمه مدغوشة النوايا … وانت نيتج صافية

الخبزة من ايدج لذيذة … وبيهه كل العافية

يمه من كون نتمرض … لزمت ايدج كافية

اتغربت يا يمه بعدج … بالغرب شفت العجايب

صبت الدنيا على راسي … اشكال واصناف المصايب

علمتني الغربة يمة … الماله ام بالكون سايب

علمتني الغربة يمة … الماله ام ماله حبايب

زاد امك ما تطبخه … طابخه بجدر النوايب

وبيوت ما بيهه امهات … بيوت مهجومة وخرايب

تــــــلالـــــــي

الدهر جر هرش من كلبي تلالي

وغابت نجمتي الجانت تلالي

ذكرت امي وعلي جانت تلالي

دللووووول يالولد لالت عليه

فاطمة ابراهيم الخرساني – بغداد