ما ناسيكم

انه ما ناسيكم..

حرام..

انتم تنسوني..

تعالوا شوفوني..

بالشهر مرة..

واذا ما كدرتوا..

بالسنة مرة..

انه ما ناسيكم..

ليش انتم تنسوني

وانه اللي جنت..

الكم شمعة تحترك..

بدروبكم..

وريح حلوة..

تغطيكم..

وفة واخلاص..

جنت الكم..

وبالروح نفديكم..

وما بدينة عليكم..

وانتم بترس الكلب..

موضوعكم..

انه ما ناسيكم..

ليس انتم تنسوني..

شنو اللي بده..

مني وزعلتم..

لو لكيتوا غيرنة..

وغيركم.. علينة..

مو هاي المرجية..

منكم..

وانتم اهل..

شيمة واخلاص..

وهذا معدنكم..

واللي نعرفة بيكم..

ما تبيعون صاحبكم..

بملك قارون..

جا اصار بيكم..

وشنهوا المنعكم..

ما تردون لينه..

ونكحل اعيونه بشوفتكم..

وبحجايات الشوك..

يرتاح الكلب بيكم..

وترد الروح لمجانهه

من تلاكيم

محمد عباس اللامي – بغداد