زمان جديد
وهذه ذرفت من الدموع لفراق حبيبها ماحول تراب الأرض الى طين :
ها مسا ها مصباح. باجر يشيلون
رجليه شالت طين. من دمع العيون
ودرامي اخر يشير الى لقاء المظلوم بمن ظلمه يوم الحساب..لكن ليس للانتقام بل لاطالة اللقاء بمن تحب :
جثر عذاب الروح. انه ارضه يهواي
بالحشر بلجي يطول. موكافك وياي
ودرامي يدعو المحبين لاطالة اللقاء الأخير قبل الفراق :
طولوها يمحبين. هاي اتله وكفه
حزن الهجر جتال. والفركه كلفه
أهلا وسهلا بيك. بالقلب قلنه
ننصب عداوه وياك. جدام اهلنه
ودارميات لا تخلو من طرافة …وأحيانا وقاحه مثل :
طكني الدهر جلاق. شك ( ط…..ي ) نصين
كل فرده راحت صوب. مدري الزرف وين
ياهي التبدل وياي. رجلي برجلهه
تنطيني سد بسد. والزايد الهه
برد الصبح كرصات. لفني بعباتك
وبساعة الشيطان. انت وي ذاتك
مد أيدك بستران. داد انه خيتك
ذوله هلي واعين. نعله اعله ميتك
امن الحزام وفوك. مرخصون الاسمر
خاف الطمع يوزيه. واحنا نتغشمر
وهذا دارمي ..يختم معاناة المحبين بوصفة غير طبية :
شنوه الدوه الموصوف. للونته عاده
نص بطل تالي الليل. ويجره ساده
اماالحزن في الدارمي فانه تغلب عليه السوداويه والقسوة واليأس :
عندك جفن للبيع. عمي يبو الخام
عمدا لطمها الروح. من جور الايام
اتمنه عند الموت. يحضرني هواي
بيده يغمض العين. وينكط الماي
للمكبره اتعنيت. اركض ابهمه
اهنا يلدفنت اهواي. ادفني يمه
سم لو جتل تردين. روحي ارد اشورج
هذا اولج بالظيم. شلون اخيرج
دك دكتين ارداف. كلبي وسكت ليش
احترك دم البيه. يفتر بعد بيش
اهديلك الدلال واهديلك العين
واوفي بوفه العباس. من وافه لحسين
كوه وجبرته يتوب. رد انسه وانساك
وبلهفة شك لظلوع. كلبي وتعناك
أنهت وون بسكوت. وجروحي تدي
الوكت والشمات. والدنيا ضدي
تلك كانت معاناة المحبين..اما اليوم فالدارمي يقول :
يا دنيا حب اليوم. ما بيه ضريبة
اليهوه شوكت ما راد. يمشي لحبيبه
وجا بعد شتريدون. يا ضوه عيوني
لو امس ولفي وياي جا كطعوني
بل صارت الأمور اسهل :
صوفر يبعد الروح. هيجي العشك صار
ما بيه تعب وهموم. يا عشك الزغار
