كالووو الدنية حلوة
اي حلوة وحيل حلوة وزينت الزينات وحلوة وسمرة وطويلة
وفطنة من تختار وهيبة ورزنة وذكية!!
دنية حلوة وشما تريد وتشتهي مانبخل عليها
واحنا ننطي واشكال الموت ننطي بس تامر وتأشر السمرة بأديها ،دنية مرت بينة وحدة وحدة وديرة ديرة وكلنة يلة تدلل السمرة علينه ، وليش يا حلوة جورج شو بس علينه؟؟
وشمعنه احنا من دون البشر مذمومين؟
وشمعنه دوم مأخوذين وما ماخذين؟
وشمعنه مكروهين ومايغز ملحنة ؟
وشمعنه دوم النوايب مرافكتنه ومشابكتنه وموالفتنة ؟
وكلنه يله انتي قسمه، وانتي مثل ناعور الماي يوم فوك ويوم جوة ومرة يشيل ومرة يبدي وانتي مثله ورضينه بقسمتنه وصبرنه ،
وسودة على قسمتنه الجبيرة، و حتى ناعورنه طلع معيوب الصنع وايامنه كلها صفت جوة ومامش فوك ومامش ماي
يروي ضمئتنة الجبيرة ،
وليش يادنيانه الجميله؟؟؟..
ايمان الخياط – بابل
