العيب بالجيب
عيب لو العيب صار بالجيب ، يمعودين هذا شلون زمان اللي انتم تضحكون على الشعب العراقي ، عفوا الشعب العراقي اطهر واشرف منكم يامن بعتم الوطن وقت المحن ، وهاجرتم حيث تمتعم بالنعم ، واكلتم لحم الخنزير وما ادراك ما لحم الخنزير ، وتجبرتم واجرمتم في طغيانكم وتجاوزتم على كل القيم تنظرون الشعب كقطيع من غنم ، وصرتم كتل كتل تدعون الحرص على الشعب والوطن ، والفعل قتل وسبي وتهجير وشراء للذمم ، اه منك يازمن ، السياسي صار كذاب ومنافق ودجال ومشعوذ ولص وحرامي وغدار وقاتل ، ما يستحي من العار يخطط للسرقة والقتل ليل نهار ، لصوص الامس اشرف منكم كانوا يسرقون الاغنياء ويساعدون الفقراء اما انتم فتسرقون الفقراء كي تزيدوا الاغنياء وتهربون اموالكم عند الاسياد ، تسرقون اللقمة من افواه اليتامى والارامل والعاجزين والفقراء والمساكين ، السياسي اليوم يزور الشهادة حتى يستلم منصب سيادة ، لعنة الله على هذا الزمن حتى الفن عدنه صار غير فن ، صارت المنطقة السوداء مسرح يمثلون على الشعب من اجل سرق الفلوس والذهب، ويطلع يصرح اني ابن الشعب ، ماعدهم ناموس ولا ضمير تركوا عوائلهم ببلاد الغرب حتى من تصير الهزيمة ينهزم ، اه من اللي اصبح براسه ( نكاسه ) ، المعارك بينكم مو من اجل الشعب من اجل الكراسي هذا يدعي شيعي وذاك سني وهذا علماني وكردي وذاك ذاك ؟؟؟؟؟؟؟؟؟؟؟ ، اه يا اهل العراق … هاي بغداد الحبيبة اصبحت سجن الشعب منين تطلع السواتر والرعب ، وسور الوطن يحمي الازقة والشوارع ؟ اما الحدود مفتوحه للجيران والنهب هذا اللي يهرب نفط هذا اللي يهرب غنم هذا اللي يهرب الاثار هذا اللي يهرب الدولار والذهب ، لو بيكم من يخجل من الناقصة كان استقال وقال يا عالم ظلم ، لكن انتم مثل افراد العصابة ما يعترض الا لما ينقص حسابه ، لا غرابة لا غرابة دولة ازلام العصابة ، كلكم تسيسون بس يبقى العراقي علم ما بين الشعوب ، لازم تمر السحابة ، وتظهر الناس النجابة .
خالدالعاني – القاهرة
AZPPPL
