الاخلاق والمال – علي كاظم
بعد ايام قليلة اغادر وطني الاول العاشق له حد الجنون واذهب الى وطني الثاني اللي احتضن اولادي مثل الاب الحنون حاير والله ليحير عبده خلي بعد اسبوعين اروح لا لا لازم هل اسبوع اروح انت عندك شغل بغداد اكدر اشتغل ودرجال قبل شهر كال تعال يمي بالاتحاد بس اني احب اصير طير حر عايش على راتبي التقاعدي وايجار بيتي والله يعلم شلون ادبر الامور
الناس عليه الظاهر ومتعرف المخفي اللي بداخل الانسان يمعود لتسولف
منو يصدك هذا الكلام عبالهم تطرد العيون الووووو هل ارشد هلو ابو عبد ًالله اريد تذكرة سفر للدنمارك تريده بس ذهاب لا يمعود ارشد اريده ذهاب واياب هو اني اكدر اعوف بغداد لازم ارجع گلبي اعوفه هنا اخلي امانة على جرف النهر عمر الجرف ما خان الامانة حتى من يصير الروج عالي
يحتضن گلبي مثل امي فد ساعة اني اخابرك خلي اشوفلك حجز على شركات الطيران اريد ارخص تذكرة والكرسي مالتي على الشباك وميهمني اذا بالمقدمة لو يم محرك الطيارة بكل الاحوال الركاب يوصلون سوية
صدك اذا ركبت كيا واذا عندك جكسارة ماكو فرق اثنينهن يوصلوك النفس المكان صحيح اكو فرق بالوقت والراحة والامان بس اني تعلمت
القناعة افضل شي عند الانسان الاخلاق مو بالمال
تكدر تشتري افضل بيت وتلبس احسن ساعة وقاط بس عمرك بفلوسك
متشتري محبة الناس ولا تكدر بفلوسك تصير خوش انسان اذا ما عندك اخلاق
