إلى كل من هوى على أرض العراق
يمته يمرون
راحوا فله يمرون
حلوين البلد يمه
حلوين العيون
وعلى الجسر شفته
بالكلب ضميته
يا ريت ما عفته يمه
يمه ويا اليمشون
مثل الكمر لو هل
هذا الولد المحجل
اعوفن روحي والاهل
وامشي ويا اليودعون
يمته يمرون
راحوا فلا يعودون
حلوين البلد يمه
حلوين العيون
عيوني عيوني
ثقلن بالدمع عيوني يمه
بهواهم كلبي مجنون
يمه يمته يبينون
حلوين البلد
يمه حلوين العيون
تهيد الجروح
وتغفه العيون
ربيته ولا ادري
بكل زمن كبري
يمه كبل ما ينهضون
يروحون ولا يودعون
ولا جلمه تطفي نار العيون
يمه بالكلب ينغشون
منه اليسكت الليل
كمر ونجوم وسهيل
بلجي عليه يهلون
يطفون نار المجنون
هلا وين هلا وين
مجسوم الكلب نصفين
بس ناره تشب بالعين
يمه حلوين العيون
يمشي ولا يدري
هذا الهوى اليسري
عبد صبري ابوربيع – بغداد
AZPPPL
