هاي أروع من علوم المعجزات
اني ادري الشاعر اليمدح الحسين عليه السلام ابيت واحد ينبني بيتين اله وكل شعر ينطق ابحب اهل الكساء حتى لو يكتب ابوصفه كربلاء موعجيبة وهاي ابسط ما يكون ربك انطه الشعر هاي المنزلة اقره تاريخ الشعر وسأل عليه مو شرط شاعر الرايد تسأله شوف صوت الشاعر الهز الطغاة وشوف فضل الشاعر ابين المله الكيت عدهم شعر ينبض بالحياة ويأمر وينهي ويعدل المايلة والقــــوافل جانت اطوف البلاد ابلايا شاعر ما تسير القافلة اذا مولود الشعر ويه الوجود جيل من جيل ويجي ويكمله وبكل عام ينعاد تاريخ الحسين مو عجـــيبه وشيل مفردة العجب شنو المنطق؟ علم من ارقى العلوم وبيه توصل للحقيقة بكل وضوح.
لا تفاهات ونظم مشطوبة والحقيقة هي للمنطق نتاج وبيها يتكامل مداه واسلوبه ومنطقيتها تجي بابسط دليل ما تساوي المعصية ويالتوبه بس اكول الرسم صورة كربلاء خالف المقرية والمكتوبة مستحيل السائل اتجذبه السماء والارض جاذبة ومو مجذوبة ولو ردت تحليل علمي للي صار لا جانت هالارض مكلوبة وهاي ما يعقلها منطق او اصول ولو سألت المــــنطق يكلك هراء والسبب هذا الجرى مو عن علوم صاغها عالم ابحقل الفيزياء هاي من اروع علوم المعجزات صاغها السوه العلم والعلماء راد بيها ايفند افكار الوجود وفلسفتها اتفوت من باب الفداء بجاذبية دم ابو السجاد هاي راد ربك يجـــــتذبنا من الفناء لان لو دمه بقى وما صعد فوك راح يتولد صراع اعلى البقاء.
وراح تتساقط على الارض النجوم اتخيل انت اشراح يحدث من بلاء اذا ربك من جذب دم الحسين حتى ما تنطبق عالارض السماء.
سلمان كريم عبد العتابي – بغداد
