نص صالح – قاسم حسين صالح
بالامس استحضرت المطرب الراقي صالح العيسى وعاتبته..كتله انت حلو تغني ..بس كل اغانيك مو الك: عبرت الشط، ياطيور الطايرة، التلدغة الحية مره..
وفكرت اكتبله نص خاص اله..
صالح النص لصالح؟
الجواب: صالح ..شرط ، يلحنه ملحن يجيد اغاني سهرات الطرب.
اليكم النص:.
يحسدوني عليك
وما يدرون منك تشكي العيون
شكثر حلوات كبلك
شدعوه
شويه اثكلي
خافي الله
اذا ما تخافين واحد بيك مفتون
*
اشتكي لله
والله ما يردّ شكوى اليحبون
اكول ولا تشيلي حواجبك عالي
اذا ميه كالولك.. احبك
ترى.. ساعة يقصدون
وبعدها لوجوه المحبه يديرون
*
انا ادري بروحي مجنون
بس بداعة امي وامج واليحبون
ما كلتي هذا صافي نيه
من قريتي العيون؟!
يبعد عيوني وعيونج
والعباس البيه يحلفون
تراني صافي نيه وبيج مفتون
شتكولين..نوديهم يخطبون؟!
