قصيدتان

0

قصيدتان
درب الهوة
كل مرة ياخذنة الهوة
طسات دربة معثر
العبرة تدري الخاتمة
والامل لازم يكبر
وياي ما أنصف أبد
مركب شراعة مكسر
كالولي أصبر تنفرج
أصبر؟ جذب ما أكدر
رديت أحسب خطواته
لن خطواته خط أحمر
يانسمة من عطر الوفة
فواحة مسج وعنبر
محد وكفلي بمحنتي
ولجان إلي إتعذر
مسكين يا من بالهوة
مكتوب كلشي مقدر
أتمنة ربي بموتتي
لا يسمع ولا يحضر
خايف بموت بحسرتة
وعنة أنسأل بالمحشر
والحسرة تبقة تعلعلة
دولابة يبقة محير
لا فوك لنة للسمة
ولا جوة لنة محدر
يا ريــــت
ياريت يسعفني الوصف
ويطاوع الشعر الحرف
ياريت موكلتي الامس
لو جنح مضيعة العرف
ياريت تغفر لي وتعف
تحلف بعد ما تختلف
ياريت تبقة وسادتك
ما بين …. والزلف
ياريت تبقة للعشك
روجة يلامسة الجرف
ياريت يغمضلي جفن
يهجع ثواني وما يرف
ياريت دمعي يساعفك
لو دمعتك مرة تجف
ياريت حبات العشك
تتذرة بس ما تنسف
ياريت كل اهل الهوة
تتلاكة مثلي وتعترف
ياريت مثل الموج
أحضانك أنا من ياترف
نوم العوافي وتنتهي
جروح الليالي بلا نزف
محمد عبد الواحد – بغداد
/4/2012 Issue 4171 – Date 11 Azzaman International Newspape
جريدة الزمان الدولية العدد 4171 التاريخ 11»4»2012
AZPPPL

مشاركة