سنين العمر

325

سنين العمر
خلصت سنين العمر دمعة بأثر دمعة
وما بقى بهالعمر اي شي: الباقي
سن ربعه
آنه اعلى العذاب وع القهر شو كلبي بس يسعى؟
ياهو اليواسي هالكلب؟ وياهو يوكفه ويمنعه؟
وياهو اليشيله من الاثر؟ وياهو يموته ويكطعه؟
دنيانا الزهيّة مو الي ثاريها الي خدعة
جنت اظنن حلوة اهي وظنينتها وسعة
ثاريها ما تسوى ابد ما تسوى اي دمعة
وصدري الحمل كل الالم كليبي
كسر ضلعه
خلاني بالحب حايرة وطفاني مثل شمعة
تايهة بهمي وعذابي وكليبي بس ينعى
راح اشك ثوب الحزن كطعه والف كطعة
وانطي لهمومي وعذابي دفعة ورة دفعة
وانسى حزن والم كلبي وانسى همّة وشنهو وضعة
لج من ثدي سعدج يا دنيتي انطيني
ولو رضعة
وخليني افرح ايام العمر لو ظلت
ولو تسعة
لج خلصت سنين العمر وربيع العمر
يا هو اليرجعه؟
ربيع العمر ياهو اليرجعة؟
ذكرى نايف – بغداد
/4/2012 Issue 4167 – Date 7 Azzaman International Newspape
جريدة الزمان الدولية العدد 4167 التاريخ 7»4»2012
AZPPPL

مشاركة