خليني وأخليك
خليني وأخليك …هذا مااتفقت عليه الكتل الكونكريتة ..عفوا السياسية والاحزاب العراقية وآخرها حزب الحمير والديك والحمام الزاجل وحزب الطماطة الحمراء…
وتكررت الانتخابات وطليت الاصابع بالحبر الازرق الذي لايزول حتى لو نقعته في ماء النهر والبزول وقصفت بعض مراكز الانتخاب بالهاوانات وراح الكثير من الابرياء…وعلقت الصور والبوسترات الملونة انتخبوا سامر ابو خشة .
انتخبوا حميدة ام اللبن لتوفير السكن …والناس يتاملون …ويهتفون…لانريد ذلنا المؤبد وعيشنا المنكد…وقبل نهاية الاقتراع بساعة تصرح الاحزاب من خلال قنواتها …حزبنا هو الفائز ويصرح حزب آخر لا نحن الفائزون ..فهنيئا للشعب بنا وهنيئا للعمال ..نجارون وحدادون واصحاب المطاعم الذين سيستلمون دهن الراعي مجانا وبطيخ الديوانية الشهير وهنيئا للنجارين سنزودهم بمسامير أبو الأنجين ستنالس ستيل مجانا وجواكيج ابو الكيلو…. ومنشارات ابو اليدة ماركة مسجلة ….وبكيفك يامواطن ….ألعب بيها يابو سميره..
وبعد شهر تطلع النتائج الحزب الفلاني 20000 صوت والحزب العلاني 19999 …عوزه واحد حتى يتعادل…ههه …والحزب الفلاني المغدور الاصوات حصل على 100 صوت … يقوم الحزب الذي حصل 19999 بالتحالف مع الحزب الذي حصل 100 صوت فيصبح عدد الاصوات 20099 يمكن غلط …راح اكتبه كتابة عشرون ألف وتسعة وتسعون.
مبروك عليكم ….وجماعة االعشرين الف صوت …دگولهم طابع أبو المية……قبل اعلان النتائج .. اوبعدها بعض الاحزاب المعروفة ….تذهب الى كردستان ….وتطلب منها التحالف ….وجماعة كردستان يعرفون من أين تأكل الكتف ……نريد كركوك …نريد ديالى ….نريد الكوت …..نريد العمارة ….ماذا تقولون ..عمي موافقين كلش اخذوا …هو العراق مال أبو واحد….دخلي نلغف والله كريم … بانت النتائج الأن والحكم لكم ايها العراقيون…..مصيبة وطاحت علينه.
حسين وشيح الساعدي- الديوانية
