حبر ودم (10) – حسن النواب

233

كلام صريح

السيطرات

مشهد‭ ‬أول‭ ‬داخلي؛‭ ‬خارجي؛‭ ‬المكان‭ ‬متغيّر؛‭ ‬الوقت‭ ‬ظهراً؛‭ ‬تدور‭ ‬الكاميرا‭ ‬على‭ ‬مطابع‭ ‬جريدة‭ ‬القادسية؛‭ ‬ونرى‭ ‬ماكنة‭ ‬الطباعة‭ ‬تصدر‭ ‬عدداً‭ ‬جديداً‭ ‬من‭ ‬الجريدة‭ ‬‏بشكل‭ ‬متوالٍ؛‭ ‬لقطة‭ ‬كلوز‭ ‬على‭ ‬مانشيت‭ ‬الجريدة‭.. ‬إذا‭ ‬قال‭ ‬صدَّام‭ ‬قال‭ ‬العراق؛‭ ‬ثم‭ ‬تنسحب‭ ‬الكاميرا‭ ‬إلى‭ ‬رتل‭ ‬سيارات‭ ‬فوقها‭ ‬توابيت‭ ‬موَّشحة‭ ‬بعلم‭ ‬العراق‭ ‬وهي‭ ‬تدخل‭ ‬‏مقبرة‭ ‬وادي‭ ‬السلام؛‭ ‬ثم‭ ‬تنتقل‭ ‬إلى‭ ‬رتل‭ ‬جنود‭ ‬يقفون‭ ‬بالطابور‭ ‬بانتظار‭ ‬فحص‭ ‬حقائبهم‭ ‬في‭ ‬سيطرة‭ ‬‏عسكرية؛‭ ‬ونرى‭ ‬أحد‭ ‬أفراد‭ ‬الانضباط‭ ‬العسكري‭ ‬وهو‭ ‬يتفحص‭ ‬حقائب‭ ‬الجنود‭ ‬ويتأكَّد‭ ‬من‭ ‬تصريح‭ ‬‏الإجازة‭ ‬الذي‭ ‬يمسكه‭ ‬كل‭ ‬جندي‭ ‬بيده،‭ ‬حتى‭ ‬يصل‭ ‬الدور‭ ‬إلى‭ ‬آخرهم؛‭ ‬الفتى‭ ‬الحنطي‭ ‬الذي‭ ‬يرتدي‭ ‬‏بدلته‭ ‬العسكرية؛‭ ‬ونرى‭ ‬الانضباط‭ ‬يخرج‭ ‬مجموعة‭ ‬كتب‭ ‬من‭ ‬حقيبة‭ ‬الفتى‭ ‬الحنطي‭ ‬متسائلا‭ ‬‏بارتياب‭..‬

الانضباط:‭ ‬هاي‭ ‬شنو‭ ‬الكتب‭ ‬أبو‭ ‬التحرير؟

الفتى‭ ‬الحنطي:‭ ‬كتب‭ ‬أدبية‭ ‬عزيزي‭..‬‏

الانضباط:‭ ‬آني‭ ‬مو‭ ‬عزيزك؛‭ ‬آني‭ ‬عدوَّك؛‭ ‬مو‭ ‬صحيح؟

الفتى‭ ‬الحنطي:‭ ‬لا‭ ‬أبداً‭ ‬ما‭ ‬أفكر‭ ‬انته‭ ‬عدُوّي؛‭ ‬انته‭ ‬تقوم‭ ‬بواجبك‭..‬‏

الانضباط:‭ ‬ما‭ ‬كتلي؛‭ ‬شنو‭ ‬هاي‭ ‬الكتب؟

الفتى‭ ‬الحنطي:‭ ‬مو‭ ‬كتلك؛‭ ‬كتب‭ ‬أدبية؛‭ ‬روايات‭ ‬وشعر‭..‬‏

الانضباط:‭ ‬لازم‭ ‬انته‭ ‬بالتوجيه‭ ‬السياسي؟

الفتى‭ ‬الحنطي:‭ ‬لا‭ ‬والله،‭ ‬جندي‭ ‬مكرود‭..‬‏

الانضباط:‭ ‬وين‭ ‬إجازتك؟

الفتى‭ ‬الحنطي:‭ ‬آني‭ ‬نازل‭ ‬مساعدة‭..‬‏

الانضباط:‭ ‬يعني‭ ‬كالب؟

الفتى‭ ‬الحنطي:‭ ‬لا‭ ‬والله،‭ ‬الآمر‭ ‬انطاني‭ ‬مساعدة‭ ‬يومين،‭ ‬حته‭ ‬أشوف‭ ‬أمي‭ ‬المريضة‭.‬‏

الانضباط:‭ ‬قابل‭ ‬الآمر‭ ‬كلك‭ ‬دير‭ ‬وجهك‭ ‬وروح؛‭ ‬غير‭ ‬ينطيك‭ ‬نموذج‭ ‬إجازة‭..‬‏

الفتى‭ ‬الحنطي:‭ ‬والله‭ ‬العظيم؛‭ ‬نماذج‭ ‬مطبوعة‭ ‬ما‭ ‬عدنه‭ ‬بالوحدة؛‭ ‬وكلِّي‭ ‬روح‭ ‬مساعدة‭ ‬يومين‭ ‬وانته‭ ‬‏اتدبِّر‭ ‬نفسك‭ ‬بالسيطرات‭..‬‏

الانضباط:‭ ‬لا‭ ‬تجذِّب؛‭ ‬كلي‭ ‬الصدك‭ ‬وأخليك‭ ‬‏تروح‭ ‬اتشوف‭ ‬أمك؛‭ ‬شكَّد‭ ‬انطيت‭ ‬للآمر؟‏

الفتى‭ ‬الحنطي‭ ‬مبتسما“:‭ ‬هو‭ ‬شكلي‭ ‬مال‭ ‬نعمه‭ ‬يا‭ ‬عزيزي؟‭ ‬يا‭ ‬دوب‭ ‬الراتب‭ ‬يكفيني‭.‬

الانضباط:‭ ‬جا‭ ‬شلون‭ ‬اشتريت‭ ‬كل‭ ‬هاي‭ ‬الكتب؟

الفتى‭ ‬الحنطي:‭ ‬عزيزي،‭ ‬كل‭ ‬هاي‭ ‬الكتب‭ ‬أستعيره‭ ‬من‭ ‬المكتبة‭ ‬ومن‭ ‬الأصدقاء‭.‬‏

الانضباط‭ ‬يرفع‭ ‬أحد‭ ‬الكتب‭ ‬ويحاول‭ ‬أنْ‭ ‬يقرأ‭ ‬اسم‭ ‬مؤلف‭ ‬الكتاب“:‭ ‬آآآآ‭.. ‬ررر‭ ‬سنـ‭..‬‏

الفتى‭ ‬الحنطي‭ ‬‭ ‬يساعده‭ ‬بالنطق“:‭ ‬آرنست‭ ‬همنغواي‭..‬‏

الانضباط:‭ ‬شو‭ ‬بلَّه‭.. ‬عيده‭ ‬مره‭ ‬ثانية‭ ‬إلي؟

الفتى‭ ‬الحنطي‭ ‬بجزع“:‭ ‬آرنست‭ ‬همنغواي‭..‬‏

الانضباط:‭ ‬وداعا‭ ‬للسلاح؛‭ ‬شني‭ ‬هذا‭ ‬الكتاب؟‭ ‬أبو‭ ‬التحرير؟

الفتى‭ ‬الحنطي:‭ ‬رواية‭ ‬لكاتب‭ ‬أمريكي؛‭ ‬إذا‭ ‬يعجبك‭ ‬الكتاب؛‭ ‬كدامك‭ ‬عزيزي

الانضباط:‭ ‬لازم‭ ‬انته‭ ‬كلّش‭ ‬مثقَّف؟

الفتى‭ ‬الحنطي:‭ ‬يعني‭..‬‏

الانضباط:‭ ‬أكلك‭ ‬أبو‭ ‬التحرير،‭ ‬ما‭ ‬عندك‭ ‬كتاب‭ ‬شعر‭ ‬شعبي؟

الفتى‭ ‬الحنطي:‭ ‬تدلَّل؛‭ ‬بالمرَّة‭ ‬الجايه؛‭ ‬أي‭ ‬كتاب‭ ‬شعر‭ ‬شعبي‭ ‬يعجبك،‭ ‬أجيبه‭ ‬الك‭ ‬وآني‭ ‬الممنون‭.. ‬

الانضباط:‭ ‬شني‭ ‬انته‭ ‬لوتي؟‭ ‬بعد‭ ‬وين‭ ‬ألكفك؟

نسمع‭ ‬صوت‭ ‬بوق‭ ‬الحافلة؛‭ ‬كأنَّهُ‭ ‬ينبه‭ ‬الانضباط‭ ‬عن‭ ‬تأخر‭ ‬الحافلة‭ ‬

الانضباط‭ ‬‭ ‬ملتفتاً‭ ‬إلى‭ ‬سائق‭ ‬الحافلة“:‭ ‬إطلعْ،‭ ‬إطلع،‭ ‬المثقَّف‭ ‬صار‭ ‬من‭ ‬حصَّتنه‏‭..‬‏

الفتى‭ ‬الحنطي‭ ‬مرتبكا“:‭ ‬يمعوَّد‭ ‬أبو‭ ‬الغيرة؛‭ ‬أمشِّي‭ ‬عليك‭ ‬الحسين؛‭ ‬خليني‭ ‬أروح‭..‬‏

الانضباط:‭ ‬اسكت‭ ‬ولا‭ ‬كلام؛‭ ‬اتشوف‭ ‬ذيج‭ ‬الكابينه،‭ ‬روح‭ ‬إكعد‭ ‬بيه‭..‬‏

الفتى‭ ‬الحنطي:‭ ‬أمشّي‭ ‬عليك‭ ‬الحبيب‭ ‬القائد؛‭ ‬خليني‭ ‬أروح‭..‬‏

الانضباط:‭ ‬اسكتْ؛‭ ‬لا‭ ‬تجيب‭ ‬اسم‭ ‬أبو‭ ‬عدَّاي‭ ‬عله‭ ‬لسانك؛‭ ‬انته‭ ‬وراك‭ ‬بلوه‭ ‬جبيرة‭..‬‏

الفتى‭ ‬الحنطي:‭ ‬يعني‭ ‬شلون؟‏

الانضباط:‭ ‬شايل‭ ‬كتب‭ ‬ممنوعة؛‭ ‬ونازل‭ ‬من‭ ‬الجبهة‭ ‬بلا‭ ‬إجازة؛‭ ‬اشلون‭ ‬تصير‭ ‬البلوه‭ ‬بعد؟‭ ‬امشي‭ ‬كدَّامي؛‭ ‬امشي،‭ ‬احنه‭ ‬وين‭ ‬والكتب‭ ‬وين؟‏‭ ‬

يختفي‭ ‬الفتى‭ ‬الحنطي‭ ‬عن‭ ‬المشهد،‭ ‬ونرى‭ ‬سيارة‭ ‬مدنيَّة‭ ‬حديثة‭ ‬تقف‭ ‬عند‭ ‬السيطرة‭ ‬لدقائق؛‭ ‬‏يقترب‭ ‬منها‭ ‬الانضباط‭ ‬العسكري؛‭ ‬نرى‭ ‬رأس‭ ‬السائق‭ ‬محدِّثاً‭ ‬الانضباط‭ ‬بلهجة‭ ‬متكبرة

السائق:‭ ‬كوَّاك‭ ‬الله‭ ‬يَوَلْ؟‏

الانضباط:‭ ‬هله‭ ‬ومرحبة؛‭ ‬تفضل‭ ‬عيوني‭..‬

يظهر‭ ‬على‭ ‬الكادر‭ ‬انضباط‭ ‬عسكري‭ ‬آخر؛‭ ‬ليسأل‭ ‬زميله

الانضباط‭ ‬الآخر:‭ ‬منو‭ ‬هذا؟

الانضباط:‭ ‬والله‭ ‬ما‭ ‬أدري‭ ‬منو؟‭ ‬بس‭ ‬مبيّن‭ ‬من‭ ‬لهجته‭ ‬ومن‭ ‬سيارته‭ ‬الترفه‭ ‬تكريتي؟‏

ثمَّ‭ ‬يستدير‭ ‬برأسه‭ ‬إلى‭ ‬الخلف‭ ‬منادياً

الانضباط:‭ ‬وين‭ ‬راح‭ ‬هذا‭ ‬الجندي‭ ‬المثقَّف؟‭ ‬اليوم‭ ‬أشعل‭ ‬سلفه‭ ‬سلفاه‭.‬‏

قطع‭..‬‬‏

‏‭                                                                                      ‬‏

مشاركة